ලිංගික බෙලහිනතා ගැන කලින් දාපු හැම පෝස්ට් එකකම වගේ කෑම බිම හරි දේවල් කන්න, ව්‍යායාම කරන්න වගේ උපදෙස් දාලා තියෙනවා. ඒ හින්දා ඔන්න කලින් කිව්ව විදියටම බර අඩු/ වැඩි කර ගන්න හැටි ගැන පෝස්ට් ටික දාන්න තමයි හදන්නේ, ඉස්සරහට පෝස්ට් 3ක් වගේ වැටෙයි. පළවෙනි පෝස්ට් එක තමා මේ.
▶ ඇඟේ බර ගැන කතා කරද්දී මේ පෝස්ට් එකේ වැදගත්ම සහ වැඩියෙන්ම කතා වෙන වචනේ තමා “කැලරි” කියන එක.
වාහනේක ගමනක් යන්න පෙට්‍රල් ඕනා වගේ තමා, ඇඟට ඉන්ධන විදියට දාන දේ තමා කන බොන දේවල්. ඒ ගන්න කෑම ඇඟට යන්නේ කැලරි විදියට. කැලරි වලින් තමා ශක්තිය හැදෙන්නේ.
කැලරි වලින් ශක්තිය හැදෙන විදිය හරිම සරල දේකින් කියන්න පුළුවන්. වතුර ලීටරයක් ගත්තොත් ඒ වතුර වල උෂ්ණත්වය සෙල්සියස් අංශක 1 කින් වැඩි කරන්න ඕන කරන ශක්ති ප්‍රමාණය තමා කැලරි 1ක් කියලා ගන්නේ.
දැන් ඔයාලා කැලරි කියන්නේ මොනාද කියලා දන්නවා.
▶ දෙවෙනි පියවර තමා ඇඟ කෙට්ටු කරන්න හරි මහත් කරන්න හරි ඇඟට ඕන කරන කැලරි ප්‍රමාණය කීයද කියලා දැන ගන්න ඕනා.
දවසකට ඇඟේ ශක්තිය කොච්චර වැය කරනවද? ඒ වැය වෙන ශක්තිය අනුව කොච්චර කැලරි ප්‍රමාණයක් ඕනද කියලා හොයා ගන්න ඕනා.
ඕක ලේසියෙන්ම හදා ගන්න online calculator එකක් තියෙනවා. මෙන්න ලින්ක් එක.👇
https://www.thecalculatorsite.com/health/bmr-calculator.php
ගැහැණු/ පිරිමි බව, වයස, උස, බර, සතියකට කොච්චර වගේ ක්‍රියාකාරකම් කරනවද කියන දේවල් ටික දුන්නම අපිට දවසකට ඕන කරන කැලරි ගාණ කීයද කියලා ඕකෙන් එනවා. පළවෙනි කමෙන්ට් එකේ screenshot දෙකක් ඇති. බලන්න. ඕකට ගිහින් ඔයාගේ ඇඟට දවසකට ඕනා කැලරි ගාන කීයද කියලා හදා ගන්න.
උදාහරණයක් විදියට හිතන්න ඔයාගේ ඇඟට දවසකට කැලරි 2000ක් ඕනා කියලා. තියරිය අරන් බැලුවොත් කැලරි 2000 ට වඩා ඇඟට ගන්නවා නම් ඒ වැඩියෙන් දා ගන්න කැලරි මේදය විදියට ඇඟේ තැන්පත් වෙනවා. බර උස්සන ව්‍යායාම වගේ කරනවා නම් ඒ අමතර කැලරි වලින් මාංශපේශි වැඩි කරලා දෙනවා. ඒ විදියට බර වැඩි වෙනවා.
දවසකට කැලරි 2000ක් ඕනා කෙනා කැලරි 2000 ට අඩුවෙන් කනවා නම්, ඇඟට ඕන කරන ශක්තිය හොයා බැරි හින්දා ඇඟේ කැලරි හිඟයක් මතු වෙනවා. ඒ කැලරි හිඟය පුරවන්න ඕන හින්දා ඇඟේ තැන්පත් වෙලා තියෙන මේදය ඇඟ පුච්චලා ශක්තිය හොයා ගන්නවා. ඔය විදියට තමා බර අඩු වෙන්නේ.
▶ එතකොට කොච්චර ප්‍රමාණයකින් කැලරි අඩු වැඩි කරන්න ඕනද?
ඇඟේ බර වැඩි කරන්න දවසකට ඕන කරන කැලරි ගාණට වඩා කැලරි 250 -500 වගේ වැඩියෙන් කන්න ඕනා. ඒ කියන්නේ ඔයාගේ දෛනික කැලරි අවශ්‍යතාව 2000ක් නම් ඔයා බර වැඩි කරන්න නම් දවසකට 2250 – 2500 ක් වගේ කැලරි ඇඟට දා ගන්න ඕනා කෑම වලින්.
ඇඟේ බර අඩු කරන්න ඕන නම් දවසකට ඕන කැලරි ගාණට වඩා කැලරි 250-500 ක් වගේ අඩුවෙන් කන්න ඕනා. ඒ කියන්නේ ඒ කියන්නේ ඔයාගේ දෛනික කැලරි අවශ්‍යතාව 2000ක් නම් බර අඩු කරන්න දවසකට 1750 – 1500 ක් වගේ කැලරි ඇඟට දා ගන්න ඕනා කෑම වලින්. තියරිය අරන් බැලුවොත් ව්‍යායාම නොකර උනත් කෑම වලින්ම විතරක් බර අඩු කර ගන්නත් පුළුවන්.
ඊලඟ පෝස්ට් එකේ දාන්නම් ඇඟට ඕන කරන කැලරි ගානට හරියන්න meal plan එකක් හදා ගන්න විදිය. මේක අර ගැහැණු ළමයි රෑට නොකා ඩයට් කරනවා වගේ මෝඩ ජෝක් එකක් නෙමේ. meal plan එකක් follow කරනවා කියන්නේ රෑට නොකා ඉන්න වත්, රෑට අඩුවෙන් කන එකවත් නෙමේ.
ඕක තමා සරලවම ඇඟේ බර අඩු වැඩි කර ගන්න තියරි එක. ඇඟේ බර පාලනය කරන්න ටූල් 2යි තියෙන්නේ. එකක් තමා ආහාර පාලනය, අනික තමා ව්‍යායාම. ඒ දෙක ගැන පෝස්ට් දෙක දාන්නම ළඟ ළඟම. දැනට තමන්ට දවසකට ඕන කරන කැලරි ගාණ කීයද කියලා හදාගෙන ඉන්න.
“කොච්චර කෑවත් බර වැඩි වෙන්නේ නෑ. කොච්චර ව්‍යායාම කරත් බර අඩු වෙන්නේ නෑ” හැමෝටම වගේ තියෙන උත්තර නැති ඔන්න ඔය ප්‍රශ්න දෙකට උත්තර ඉස්සරහට දාන පෝස්ට් දෙකෙන් හම්බෙයි.
#XeducationSL